بسم الله الرحمن الرحيم

السلام عليكم ورحمة الله وبركاته

الموضوع باين من اسمه هو بيتكلم عن ايه ..

انا عارف انه يمكن متأخر اوى انى اعمل توبيك زى ده ... كان لازم يبقى بدرى كمان اوى ..

بس اللى اخرنى هو ان محدش بيشتكى اساسا من حاجه فى المنتدى ..

بس للأسف ممكن الشكوى دى تيجى من واحد على الميل مثلا او ممكن الناس تاخد طريق سهل وتقولك ياعم ده فيه مشكله ... فكك وشوف غيره ..

طبعا دى مش هقول خساره للمنتدى ولا هقول خساره لينا .. بس هى حاجه وحشه فى حقنا

لما واحد ييجى عندنا ويحس ان فيه مشكله ومش عارفين نخليه مبسوط

وبردو وحشه منك انت لما تيجى وتلاقى مشكله معاك ومتقولش عليها ...


طيب ياترى ايه اللى اتقال ليا او ايه اللى يمكن يكون واجه الناس او كدا ..


انا هقول على شويه حاجات ومستنى الناس اللى عندها مشكله فى اى حاجه انها تقولها فى التوبيك ده وان شاء الله نحلها سوا ..


اهم مشكله تقريبا هى موضوع فك ضغط الملفات ...

ناس تقول ان الملفات دى بايظه او الضغط فيه مشكله وهكذا وده بيعتبروه عيب عندنا احنا

مع انك لو جيت تحمل حاجه بردو من نفس السيرفر وفى منتدى تانى احتمال 90 % يديك نفس المشكله ..


المشكله بتكون من السيرفرات وخصوصا الميديا فاير اللى 80 % من المنتدى بيحملوا منه

طيب يعنى منحملش منه ولا نعمل ايه ..

لا نحمل عادى وفيه حل للشكله بتاعت الضغط دى فى التوبيك ده .... [عزيزي الزائر يتوجب عليك التسجيل للمشاهدة الرابطللتسجيل اضغط هنا]


طيب فيه طريقه تانيه ... اه فيه طريقه تانيه واسهل وشغاله وانا مجربها بنفسى ..

واهى الطريقه بالصوره ..


طبعا اول حاجه هتتأكد ان الاسم واحد زى مثلا ..

Tansformers 3.Part1.rar
Tansformers 3.Part2.rar
Tansformers 3.Part3.rar


الاختلاف كله فى الرقم بتاع الجزء .. والاسم كله واحد


طيب بيديك ايرور بردو وانت بتفك الضغط ويوقلك Corrupted

طيب يبقى نعمل كدا ..


كليك يمين عادى كأنك بتفك الضغط .. هنختار اول واحده Extract File ..

وهنعلم على كلمه

Keep Broken Files

زى الصوره كدا ..





هو احتمال يديك نفس رساله الخطأ اللى بيديها ليك وانت بتفك زى اول مره ..

بس عادى هتقفل الخطأ عادى وهتشوف الملف بعد فك اضغط هتلاقيه كامل ان شاء الله وشغال ..


---


طيب فيه ايه تانى مشكله فى المنتدى ...

هى بصراحه حاجه انا مش شايفها مشكله اكتر من انها وجهات نظر ..


موضوع سيرفرات الرفع ..

واحد يعمل توبيك ويقولك على 80 سيرفر .. طيب هو الحكايه بكتر السيرفرات يعنى .. ماهو الابلود سهل ..

طيب انا عايز اعرف الناس بتحمل من ايه ..


يعنى الناس اكيد فيه 5 ولا 6 سيرفرات مثلا بتحمل منهم بالترتيب

يعنى لو ده مش موجود بيشوفوا واحد غيره فى دماغهم وهكذا ..

طيب ايه هى السيرفرات دى عشان نرفع عليها .. يعنى لما نرفع على 5 ولا 6 سيرفرات كويسين والناس تحمل منهم وترتاح فيهم


افضل من انى ارفع على 15 سيرفر وكلهم سيرفرات ريموت ابلود ومش كويسين ..

مستنى بقى رأيكم فى السيرفرات اللى نرفع عليها او اللى انت كواحد بيحمل .. انه يحب يحمل منها بالترتيب كدا عشان نرضى كل الناس ان شاء الله ..


----


اتمنى ان لو فيه اى مشكله بتواجه اى حد ... ان هيقولها فى التوبيك ده ... بس ياريت بردو يبص فى قسم

الشروحات ف اخر المنتدى .. لأن فيه اسأله كتير الناس هتسألها .. هيكون اجابتها موجوده فعلا ..


وعليكم السلام ورحمة الله وبركاته
[عزيزي الزائر يتوجب عليك التسجيل للمشاهدة الرابطللتسجيل اضغط هنا]